موج البحر
زى موج البحر حبك
مره قربك مره بُعدك
امتى ترسى ياموج ياعاتى
ده انت حبى ونور حياتى
ياللى طيفك بيشاغلنى
امتى راح تيجى تقابلنى
كل يوم ع الشط واقفه
نفسى اشوفك لو مصادفه
كل شط وله حكايه
قولى ايه حكايتك معايا
هو عشقى ليك قليل
ولا حبى مش كفايه
مهما تبعد مش هسيبك
تقسى ليه وقلبى حبيبك
أه ياسهرى وطول اسايا
كل ده وقلبى راضى بك
امتى بحرك يحتوينى
وكل موجه تبكى عينى
مستحيل انسى اللى فات
حب/ عشق/ وذكريات
حب فيه كل الامانى
عشق بيزلزل كيانى
ذكرى راح ترجع لى تانى
نبض قلبى بيناديلك
بين رموش العين اشيلك
من سنين واقفه مكانى
رغم احزانى وهوانى
ودمع عينى يشتكى لك
يوم ماقلبك يرضى عنى
يومها يضحك لى زمانى
شعر احمد اسماعيل / شاعر العرب
ليست هناك تعليقات:
إرسال تعليق